சக்தியிடம் புலம்பல்!!

இறைவியிடம் புலம்புவது ஒரு சுகானுபாவம்! அவள் உருவம் கண் முன் தெரிய அவள் பாதங்களை நம் கண்ணீரால் கழுவுதல் ஒரு மறுபிறப்பு! உயிரெழுதுக்களால் அவளுக்கு படைத்த இந்த புலம்பலின் சுகம் வார்த்தைகளுக்கு அப்பாற்பட்டது!
-------------------------------------------------------------------------------------------------
அண்டமெல்லாம் அணைத்து நின்று
ஆனந்த நடனம் புரியும்
இறைவனுடல் சேர்ந்தவளே!
ஈன்றவளாம் இறைவியே!
உன் திருவருளுக்கு ஏங்கி
ஊண் உறக்கமற நினைந்துருகி
என் குறைகள் தவிர வேறேதும் தர இயலாமல்
ஏக்கமுற்று அழுகின்ற என் மேல்
ஐயமில்லாமல் உன் கருணைப் பார்வை
ஒரு சிறிதேனும் தந்து அருட்கூர்ந்தால் போதும்
ஓடி வந்து உன் காலடியில் வீழ்ந்து கிடக்க
மாட்டேனோ!! என் தாயே ஜகன்மாதா அகிலாண்டேஸ்வரி !!!!